આદિપુરુષ

પ્રભાસની ફિલ્મ આદિપુરુષ આજે સિનેમાઘરોમાં રિલીઝ થઈ છે. સોશિયલ મીડિયા પર ફેન્સનો ક્રેઝ જોઈને અંદાજ લગાવી શકાય છે કે લોકોમાં આ ફિલ્મને લઈને કેટલો ક્રેઝ છે. જય શ્રી રામના નારા લગાવતા બાળકોનો વીડિયો સોશિયલ મીડિયા પર વાયરલ થઈ રહ્યો છે 

પ્રભાસ અને કૃતિ સેનનની ફિલ્મ ‘આદિપુરુષ‘ માટે ચાહકોમાં વધુ ક્રેઝ જોવા મળી રહ્યો છે, જે આ પહેલા ભાગ્યે જ કોઈ ફિલ્મ માટે જોવા મળ્યો હોય. બાળપણથી રામ-સીતાની કથા સાંભળતા બાળકોએ જ્યારે રામને મોટા પડદા પર જોયા તો તેઓ પોતાને જય શ્રી રામ બોલતા રોકી શક્યા નહીં. થિયેટરમાં રામ સીતાની કથા જોઈને દરેક લોકો રોમાંચિત છે. એક પારિવારિક ફિલ્મ હોવાથી બાળકથી લઈને વડીલ સુધી દરેક આ ફિલ્મને એન્જોય કરી રહ્યા છે. 

પહેલા દિવસનો પહેલો શો પૂરા થવાની સાથે જ ટ્વીટર યુઝર્સે અહીં પોતાની ઉત્તેજના અને ફિલ્મ માટેના પોતાના રિવ્યુ શેર કર્યા હતા. કેટલાક લોકોએ તેને પ્રભાસની કમબેક ફિલ્મ ગણાવી હતી, તો કેટલાકને લાગ્યું હતું કે આદિપુરુષ જેવી ફિલ્મોને 'જજ ન કરવી જોઈએ, પરંતુ માત્ર પ્રશંસા થવી જોઈએ. 'પ્રભાસ ની  એન્ટ્રી સીન પર ઝૂમ્યા ફેન્સપ્રભાસની ફિલ્મને લઈને સોશિયલ મીડિયા પર જોરદાર ક્રેઝ જોવા મળી રહ્યો છે. પ્રભાસના ફેન્સ ખુશ છે. તેઓ થિયેટર્સમાંથી બહાર આવીને જય શ્રી રામના નારા લગાવી રહ્યા છે. ટ્વિટરના રિએક્શન પ્રમાણે પ્રભાસની ફિલ્મ હિટ છે. બેક ટુ બેક ફ્લોપ ફિલ્મો આપ્યા બાદ હવે લાગે છે કે પ્રભાસ 'બાહુબલી' જેવી સફળતાનું પુનરાવર્તન કરવા જઈ રહ્યો છે. લોકો ફિલ્મના સીનને સોશિયલ મીડિયા પર વાયરલ કરી રહ્યા છે. પ્રભાસનો એન્ટ્રી સીન ફેન્સને સૌથી વધુ પસંદ આવ્યો છે. એક્શન સિકવન્સ જોઈને લોકો રૂંવાટા ઉભા થઈ ગયા. ફેન્સ કહે છે કે આદિપુરુષ એ ફિલ્મ નથી પણ ઇમોશન છે. લોકો સ્ક્રીપ્ટ અને મ્યુઝિકની પ્રશંસા કરી રહ્યા છે. ફેન્સને ફર્સ્ટ હાફ ખૂબ જ પસંદ આવ્યો છે. તે કહે છે કે સેકન્ડ હાફ થોડો ખેંચાયો છે.

પ્રભાસ અને કૃતિ સેનની દમદાર એક્ટિંગ
ફિલ્મમાં 3ડી ઇફેક્ટ અને વીએફએક્સનો ભરપૂર ઉપયોગ કરાયો છે. આ જ કારણ છે કે દર્શકો ફિલ્મને લઇને ખૂબ જ એક્સાઈટેડ હતા. જોકે, ઘણા યુઝર વીએફએક્સથી ખુશ નથી જણાઇ રહ્યા. ટ્વિટર પર એક યુઝરે લખ્યું કે, આદિપુરુષ ખૂબ સારી ફિલ્મ છે, 3ડી ઇફેક્ટ પણ સારી છે. પ્રભાસ અને કૃતિ સેનને ખૂબ સારું કામ કર્યું છે. જોકે, વીએફએક્સ ખૂબ જ નબળું છે. મોટી સ્ક્રિન પર એક વખત આ ફિલ્મ જોવી જોઇએ. ઘણા લોકો વીએફએક્સને નબળું બતાવી રહ્યા છે.