ઉત્તર પ્રદેશ ચૂંટણી : યોગી આદિત્યનાથના મતે 'ઉત્તર પ્રદેશ દેશનું સૌથી સુરક્ષિત રાજ્ય', દાવો કેટલો સાચો?
ઉત્તરપ્રદેશમાં કાયદો અને વ્યવસ્થાની પરિસ્થિતિ અંગે વિરોધાભાસી દાવા કરવામાં આવ્યા છે. રાજ્યમાં દુષ્કર્મો અને હત્યાઓની વધી ગયેલી ઘટનાઓથી ચિંતિત રાજ્ય કક્ષાના ગૃહપ્રધાન કિરણ રિજિજુએ જણાવ્યું કે કેન્દ્ર ઉત્ત રપ્રદેશની સ્થિતિ અંગે ચાંપતી નજર રાખી રહ્યું છે. તેમણે એવો નિર્દેશ પણ કર્યો કે રાજ્યની કાયદો અને વ્યવસ્થાની પ્રાથમિક જવાબદારી રાજ્ય સરકારની છે. જો રાજ્યમાં દુષ્કર્મો અને હત્યાઓની આવી ઘટનાઓ સર્જાવાનું ચાલુ રહે શે તો તેનો એવો અર્થ થાય છે કે રાજ્યમાં કેટલીક સમસ્યાઓ છે અને રાજ્ય સરકારે તેના વિશે વિચારણા કરવી જો ઇએ.
ન્યૂઝ એજન્સી એએનઆઈના રિપોર્ટ પ્રમાણે, આ જાહેરસભામાં યોગી આદિત્યનાથે કહ્યું, "મને આશંકા છે કે યુપી ના અપરાધી અને ગુંડા નાસી છૂટીને ઉત્તરાખંડમાં ઘૂસી જશે. એટલે ઉત્તરાખંડને પણ યુપીની જેમ જ સુરક્ષિત બના વવાનું છે."
તેમણે એમ પણ કહ્યું કે દેશના રક્ષણ અને સુરક્ષાના મુદ્દે ભાજપ કોઈ સમાધાન નથી કરતો. માત્ર યોગીઆદિત્યનાથ જ નહીં, પરંતુ વડા પ્રધાન નરેન્દ્ર મોદી અને ગૃહમંત્રી અમિત શાહ સહિત ભાજપના અન્ય નેતા પણ કાયદોવ્યવસ્થા મુદ્દે ગત પાંચ વર્ષ દરમિયાન ઉત્તર પ્રદેશનાં શ્રેષ્ઠ કામોની ભારોભાર પ્રશંસા કરી હતી.
ભાજપનો દાવો છે કે યુપીમાં તેમની સરકારે સામાન્ય લોકો, વિશેષ કરીને મહિલાઓની સુરક્ષાને સુનિશ્ચિત કરવા માટે પુષ્કળ પ્રયાસ કર્યા છે. પાર્ટીના યુપીના ચૂંટણીઢંઢેરામાં પણ લોકોની સુરક્ષા ઉપર ધ્યાન કેન્દ્રિત કરવામાં આવ્યું છે.
બીજી બાજુ, કૉંગ્રેસનાં નેતા પ્રિયંકા ગાંધી વાડ્રા તથા અન્ય વિપક્ષના નેતાઓએ રાજ્યમાં કથળતી જતી કાયદો-વ્યવસ્થાની સ્થિતિ મુદ્દે રાજ્ય સરકાર ઉપર પ્રહાર કર્યા હતા.
સરકાર તથા વિપક્ષના દાવા-આરોપોની સત્યતા ચકાસવા માટે બીબીસી દ્વારા સરકારે બહાર પાડેલા આંકડાની ત પાસ હાથ ધરવામાં આવી. બીબીસીને માલૂમ પડ્યું કે યુપી દેશનું સૌથી સુરક્ષિત રાજ્ય છે, એવો મુખ્ય મંત્રી યોગી આદિત્યનાથનો દાવો ખરો નથી.
દેશમાં ગુનાખોરીના આંકડા એકઠા કરવાનું કામ નેશનલ ક્રાઇમ રેકર્ડ બ્યૂરો એટલે કે એનસીઆરબી કરે છે. કેન્દ્રીય ગૃહ મંત્રાલય હેઠળ આવતી આ સંસ્થા દેશનાં તમામ 28 રાજ્ય તથા આઠ કેન્દ્રશાસિત પ્રદેશમાં થતા ગુનાની વિસ્તૃ ત વિગતો એકઠી કરીને 'ક્રાઇમ ઇન ઇન્ડિયા'ના નામથી રિપોર્ટ પ્રકાશિત કરે છે.
એનસીઆરબી દ્વારા પોતાના રિપોર્ટને ભારતીય દંડ સંહિતા (એટલે કે આઈપીસી) હેઠળ નોંધાયેલા ગુના તથા વિશે ષ કાયદા હેઠળ નોંધાયેલા ગુના એમ બે શ્રેણીમાં વિભાજીત કરવામાં આવે છે તથા બંને શ્રેણીના કુલ સરવાળાને ગુ નાખોરીના આંક તરીકે રજૂ કરવામાં આવે છે.
તાજેતરના આંકડા ગત વર્ષે સપ્ટેમ્બર મહિનામાં રજૂ થયા હતા. જે મુજબ વર્ષ 2020 દરમિયાન યુપીમાં તમામ શ્રેણી હેઠળ કુલ છ લાખ 57 હજાર 925 કેસ નોંધાયા હતા. સારી સુરક્ષાવાળાં રાજ્યોની દૃષ્ટિએ યુપીનો ક્રમાંક 36રાજ્યમાં (અને કેન્દ્રશાસિત પ્રદેશ) 34મો રહ્યો.
તામિલનાડુ અને ગુજરાતની સ્થિતિ ઉત્તર પ્રદેશથી પણ ખરાબ રહી હતી. તામિલનાડુમાં દેશના સૌથી વધુ 13 લાખ 77 હજાર 681 કેસ નોંધાયા હતા, જ્યારે ગુજરાતમાં છ લાખ 99 હજાર 619 કેસ ચોપડે નોંધાયા હતા.
