આપ સાંસદ રાઘવ ચઢ્ઢા અને બોલિવૂડ એક્ટ્રેસે પરિણીતી ચોપરા લગ્નગ્રંથિથી બંધાઈ ચૂક્યાં છે. રવિવારે ઉદયપુરની હોટેલ લીલા પેલેસમાં લગ્નની વિધિ કરવામાં આવી હતી. હાલ જ પરિણીતીએ લગ્નની તસવીરો શેર કરીને નોટ લખી છે.
પરિણીતી- રાઘવનું પ્રેમભર્યું કેપ્શન
તસવીરો શેર કરતાં પરિણીતિ અને રાઘવે લખ્યું, 'નાસ્તાના ટેબલ પર થયેલી પહેલી વાતચીતથી અમારા દિલની ખબર પડી ગઈ હતી. અમે ઘણા સમયથી આ દિવસની રાહ જોઈ રહ્યા હતા. અંતે મિસ્ટર અને મિસિસ બનવાનો લહાવો મળ્યો હતો. એકબીજા વગર રહી શકતાં ન હતાં. અમારો સાથ હવે કાયમ માટે શરૂ થઇ ગયો છે.'
આ કપલે 'સિટી ઓફ લેક્સ' એટલે ઉદયપુરમાં લગ્ન કર્યા હતા અને હવે આ તસવીરો સોશિયલ મીડિયા પર શેર કરી છે. પરિણીતી મનીષ મલ્હોત્રાના બેજ કલરના લહેંગામાં ખૂબ જ સુંદર લાગી રહી હતી. તો લુકને ચાર ચાંદ લગાડવા માટે ઘરેણાં પણ એટલાં જ સિમ્પલ અને સુંદર પહેર્યાં હતાં. આ દરમિયાન રાઘવ ચઢ્ઢાએ તેમના મામા અને ફેશન ડિઝાઇનર પવન સચદેવા દ્વારા ડિઝાઇન કરાયેલા આઉટફિટ પહેર્યા હતા. સુંદર તસવીરોમાં આ કપલ ખૂબ જ ક્યૂટ લાગે છે.
પંજાબી ફિલ્મ 'ચમકીલા'ના સેટ પરથી લવ સ્ટોરીની શરૂઆત થઈ હતી. રાઘવ અને પરિણીતી બંને કોલેજકાળથી એકબીજાને ઓળખે છે. બંનેએ ઈંગ્લેન્ડથી અભ્યાસ કર્યો છે. પરિણીતીએ માન્ચેસ્ટર બિઝનેસ સ્કૂલમાંથી બિઝનેસ ફાઈનાન્સ અને ઈકોનોમિક્સમાં ટ્રિપલ ઓનર્સનો અભ્યાસ કર્યો છે. રાઘવે લંડન સ્કૂલ ઓફ ઈકોનોમિક્સમાં અભ્યાસ કર્યો છે. પરિણીતી અને રાઘવને ઈંગ્લેન્ડમાં ઈન્ડિયા યુકે આઉટસ્ટેન્ડિંગ અચિવર્સ એવોર્ડથી પણ નવાજવામાં આવ્યા હતા. આ ઈવેન્ટમાં બંને પહેલીવાર મળ્યાં હતાં. અહીં મુલાકાત બાદ બંને મિત્રો બન્યા અને મિત્રતા પ્રેમમાં પરિણમી હતી.
પરંતુ, તેમની લવ સ્ટોરી 2022 માં પંજાબી ફિલ્મ 'ચમકીલા'ના સેટથી શરૂ થઈ હતી. જ્યારે પરિણીતી પંજાબમાં આ ફિલ્મનું શૂટિંગ કરી રહી હતી ત્યારે રાઘવ તેમને મળવા આવ્યો હતો. આ મુલાકાત બાદ બંને એકબીજાની નજીક આવ્યાં હતાં.
